మనలను రక్షించు కృష్ణ కృపా మూర్తి
శ్రీల ప్రభుపాదులు ఈ హరేకృష్ణ సంకీర్తనోద్యమం (ఇస్కాన్) యొక్క వ్యవస్థాపక ఆచార్యులు. ఆ ప్రకారంగా, ఈ ఉద్యమంలోని సభ్యులందరికీ వారే ప్రథమ గురువు. మనలో కొంతమంది శ్రీల ప్రభుపాదుల శిష్యులకు సేవ చేయడం ద్వారా శ్రీల ప్రభుపాదులతో సంబంధాన్ని కలిగి ఉండే గొప్ప అవకాశం మన వద్ద ఉంది, వారి శిష్యులకు సేవ చేయడమంటే, శ్రీల ప్రభుపాదులకే స్వయంగా సేవ చేసినట్లు లెక్క, శ్రీల ప్రభుపాదులు నియమించిన వైష్ణవులకు సేవ చేస్తూ, తద్వారా శ్రీల ప్రభుపాదులతో మన సంబంధాన్ని మరింతగా బలపరుచుకోవడానికి ఇదొక సువర్ణ అవకాశం.
ప్రభుపాదుల గురించి మాట్లాడుతూ, ఒకరు బ్రహ్మానంద ప్రభువుని ఇలా అడిగారు, “ఉద్యమపు తొలిరోజుల్లో మీరు ప్రభుపాదులతో గడిపిన రోజులు అత్యంత సన్నిహితమైనవి, తరువాత ఈ ఉద్యమం ప్రపంచ వ్యాప్తమైంది. ఉద్యమం ఉధృతమైన తర్వాత ప్రభుపాదులతో మీకు గల సంబంధంలో ఏదైనా మార్పు వచ్చిందని మీరు భావిస్తున్నారా?”
అప్పుడు బ్రహ్మానంద ప్రభు ఇలా సమాధానమిచ్చారు, “సరే, మీరు చిన్న పిల్లాడిగా ఉన్నప్పటికీ, మరియు ఇప్పుడు మీరు పెరిగి పెద్దవారయ్యాక, మీకు మీ తండ్రి గారికి మధ్య సంభందం ఏమైనా మారిందా‌? ఏమీ మారలేదు కదా. ఇది కూడా అలాగే!”